“فایەق زەیدان حاکمی فعلیی عێراقە”

پەنجەرە

شوان داودی، ئەندامی پێشووتری ئەنجومەنی نوێنەرانی عێراق لە لێدوانێکی تایبەتدا بۆ پەنجەرە ڕایگەیاند کە فایەق زەیدان، سەرۆکی ئەنجومەنی باڵای دادوەری، لە ئێستادا وەک “حاکمی فعلی” عێراق دەردەکەوێت و ئاماژەی بەوەش کرد کە عەلی زەیدی، کاندیدی پۆستی سەرۆکوەزیران، کەسایەتییەکی نزیکە لە ناوبراوەوە. 

داودی تیشکی خستە سەر جیاوازیی نێوان سیستەمی حوکمڕانی لە بەغدا و هەرێمی کوردستان و وتی، لە بەغدا دەسەڵاتی دادوەری دەستێوەردان لە کاروباری سیاسی دەکات و ئاڕاستەی دەکات، بە پێچەوانەی هەرێمی کوردستان کە تێیدا دەسەڵاتی سیاسی دەستێوەردان لە کاروباری دادوەریدا دەکات و کۆنترۆڵی کردووە.