بەرزان شێروانی بۆ پەنجەرە: شێروان شێروانی ماوەی هەفتەیەکە مانی لە خواردن گرتووە و جەستەی لاوازبووە
٢ ئایار ٢٠٢٦ - ٢:٣٦ پاش نیوەڕۆ
پەنجەرە
بەرزان شێروانی، برای ڕۆژنامەنووس شێروان شێروانی، بە پەنجەرەی ڕایگەیاند، ماوەی حەوت ڕۆژە شێروان لەناو زینداندا مانی لە خواردن گرتووە و بەو هۆیەوە جەستەی لاواز بووە و باری تەندروستی بەرەو خراپی دەچێت.
بەرزان شێروانی ئاماژەی بەوەشکرد، سەرەڕای هەوڵەکان بۆ قایلکردنی بە شکاندنی مانگرتنەکەی، بەڵام شێروان سوورە لەسەر داواکارییەکانی کە بریتین لە وەرگرتنی مۆڵەتی ماڵەوە و گواستنەوەی بۆ گرتووخانەی سلێمانی.
وتیشی: شێروان جەختی کردووەتەوە تا بەڵگەی یاسایی لەسەر هۆکاری جێبەجێنەکردنی داواکارییەکانی پێنەدرێت، کۆتایی بە مانگرتنەکەی ناهێنێت.