دوای ساڵێک و ٢ مانگ؛ ٦ ئەندام بەردەوامن لە بایکۆت کردنی ئەنجومەنی پارێزگای کەرکوک
٢٣ تشرینی یەکەم ٢٠٢٥ - ١:١٩ پاش نیوەڕۆ
پەنجەرە
دوای تێپەڕبوونی ساڵێک و دوو مانگ بەسەر پيکهێنانی حکومەتی خۆجێی کەرکوک دا، هێشتا شەش ئەندامی ئەنجومەنی پارێزگای کەرکوک بەردەوامن لە بایکۆتکردنی کۆبوونەوەکانی ئەنجومەنەکە.
شەوی 10 ی مانگی هەشتی 2024، فراکسیۆنی یەکێتی و کوتلەی بابلیۆن و سێ ئەندامی عەرەبی ئەنجومەنی پارێزگای کەرکوک، بە بێ پارتی و بەرەی تورکمانی و هاوپەیمانی عەرەبی لە ئوتێل رەشیدی شاری بەغدا کۆبوونەوەو پێکهێنانی حکومەتی خۆجێی کەرکوکیان ڕاگەیاند.
دوو ئەندامی ئەنجومەنەکە لە هاوپەیمانێتی عەرەبی، دوو ئەندامی پارتی و دوو ئەندامەکەی بەرەی تورکمانی کە ناڕازین لە پێکهێنانی حکومەتی خۆجێی کەرکوک و بە نایاسایی ناوی دەبەن، تا ئێستا بەردەوامن لە بایکۆتکردنی کۆبوونەوەکانی ئەنجومەنی پارێزگای کەرکوک.