وتەبێژی هاوپەیمانی نەسر بۆ پەنجەرە: شەڕ کاریگەری مەترسیداری لەسەر عێراق هەبووە
١٥ ئازار ٢٠٢٦ - ٣:٢٢ پێش نیوەڕۆ
پەنجەرە
وتەبێژی هاوپەیمانی نەسر رایدەگەیەنێت، پانتایی شەڕی نێوان ئەمەریکا و ئیسرائیل لەگەڵ ئێران فراوانبووە و کاریگەری گەورەی لەسەر ناوچەکە بە عێراقیشەوە هەبووە.
سەلام زوبەیدی، وتەبێژی هاوپەیمانی نەسر، بە پەنجەرەی ڕاگەیاند: شەڕی نێوان ئەمەریکا و ئێران شەڕی تەکنەلۆژیا و موشەکە، لەکاتێکدا سەروەری عێراق پێشێل دەکرێت و چەک و تەکنەلۆژیاشی نییە بۆ بەرەنگاربوونەوەی ئاڵەنگارییەکان.
دەشڵێت: شەڕ کاریگەری ئەمنی مەترسیداری لەسەر عێراق هەبووە، ئەمە جگە لەوەی داخستنی گەروی هورمز دۆخی ئابووری عێراقی سەختتر کردووە، هەروەها شەڕ دابەشبوونی سیاسی لە عێراق قوڵتر کردووەتەوە و پێکهێنانی حکومەتیشی زیاتر دواخستووە.