حکومەتی عێراق بۆ پاسەوانی سنوری هەرێم: سنور توندوتۆڵتر بکەن و رێگە لە هاتووچۆ بگرن
١ نیسان ٢٠٢٦ - ٧:٥٣ پاش نیوەڕۆ
پەنجەرە
حکومەتی عێراق بە بەردەوامی رێنمایی نوێ ئاراستەی هێزەکانی پاسەوانی سنور لەناوچە سنورییەکانی هەرێم دەکات، بە پێی رێنماییەکان رێگە بە هیچ جموجۆڵێک لەناوچە سنورییەکان نادرێت.
سەرچاوەیەک لە هێزەکانی پاسەوانی سنوری هەرێم، بە پەنجەرەی ڕاگەیاند: حکومەتی عێراق بەردەوام جەخت لەسەر توندوتۆڵکردنی سنورەکان دەکاتەوە، ئەوان مەبەستیان جوڵەی حزبە کوردییەکانە بەڵام بەروونی ئاماژەی پێناکەن.
سەرچاوەکە دەڵێت: بەپێی رێنماییەکانی عێراق، نابێت رێگە بەهاتووچۆ و هیچ جوڵەیەک لەناوچە سنورییەکان بدرێت.