سه‌رچاوه‌یه‌كى نزیك له لاهور شێخ جه‌نگى بۆ په‌نجه‌ره: دەنگۆی گەڕانەوەی لاهور شێخ جەنگی بۆ نێو یەکێتی بێبنه‌مایه
٧ ئاب ٢٠٢٥ - ٤:٠٠ پاش نیوەڕۆ
په‌نجه‌ره
سەرچاوەیەکی نزیک لە لاهور شێخ جەنگی سەرۆکی بەرەی گەلی رایدەگەیەنێت، گەڕانەوەی لاهور شێخ جەنگی بۆ نێو یەکێتی نیشتمانی کوردستان هیچ بنەمایەکی نییە.
چه‌ند ڕۆژێكه ده‌نگۆیه‌ك بڵاوبووه‌ته‌وه كه باس له گه‌ڕانه‌وه‌ى لاهور شێخ جه‌نگى- سه‌رۆكى به‌ره‌ى گه‌ل بۆ ناو یه‌كێتى ده‌كه‌ن.
له‌وباره‌وه سەرچاوەیه‌كى نزیک لە لاهور شێخ جەنگی کە هاوكات یەکێکە لە کەسایەتییە دیارەکانی بەرەی گەل، بە پەنجەرەی ڕاگەیاند: "ئەو دەنگۆیانەی بڵاوبوونەتەوە گوایە لاهور شێخ جەنگی دەگەڕێتەوە بۆ ناو یەکێتی، هیچ بنەمایەکییان نیە."
دەشڵێت: بڵاوبوونەوەی ئەو دەنگۆیە گرێدراوە بە دۆخی نێو یەکێتییەوە و بەمەبەست بڵاوکراونەتەوە.
لاهور شێخ جەنگی، دواى ڕووداوه‌كانى 8ـى تەمموزی ساڵی 2021 و دووركه‌وتنه‌وه‌ى له یه‌كێتى، ڕه‌وتێكى سیاسیی به‌ناوى "به‌ره‌ى گه‌ل" دامه‌زراند، كه له هه‌ڵبژاردنى ڕابردووى په‌رله‌مانى كوردستاندا 2 كورسیی به‌ده‌ستهێنا.